انا بتاع كله والحمد لله


هوا ايه المشكله انى اكون بفهم فى كذا حاجه ؟ وهل معنى انا بعرف حجات كتير دا شئ وحش ؟

قبل مشتغل فى شركات كنت شغال لوحدى انا بطبعى بحب البيزنس وبحب الانترنت فتقدر تقول دمجتهم مع بعض 

انا اللى كنت بعمل الويب سايت اتعلمت الويب ديزاين وبعدها احتجت البرمجه فتعلمت الويب ديفيلوبينج
اتعلمت السيو واتعلمت الاون لاين ماركتنج
اتعلمت السوشيال ميديا واتعلمت اكتب محتوى

من الاخر قعدت خمس سنين شغال لوحدى وكنت بعمل فيهم كل حاجه

ولما فكرت اشتغل فى شركه عملت كذا انترفيو يكونو طالبين تسويق الكترونى مثلا اقولهم اه اشتغلت تسويق يقولى لا انته اشتغلت كذا حاجه انا عايز واحد متخصص تسويق هههههه

وواحد تانى يقولى تسويق عقارى مش مجرد تسويق يابن الحلال واحد كان بيسوق حجات مش ماديه ولاجانب مش هيعرف يسوق حجات ماديه ملموسه ولمصريين

ولما اشتغلت وجابو واحد متخصص ليه ١٥ سنه بفضل الله كانت نتايجى افضل منه وللاسف هوا مشى وانا اللى مش متخصص كملت

اكتشفت مشكله الشركات الحقيقيه فى الاداره وكله كوم والاتش ار كوم مش عارف هما فاهمين ولا حافظين للاسف

الخلاصه انا مبسوط كدا والحمد لله ودايما بحب اتعلم حجات جديده