ليه بتقتلو فينا الابداع


ممنوع تحترم العميل ... دا كلام التيم ليدر لما اشتغلت فى شركه للاستثمارات المالية والبورصه 

انا مقعدش فى الشغل دا والحمد لله لاسباب كتير المشكلة انه العرب لما يحبو يحطو التاتش بتاعهم بيبقى حاجه اوفر طالما بورصه يبقى اتجنن يابنى وعلى الصوت واعمل زى الفيلم ههههه ممنوع تحترم العميل علشان ميحسش انك اقل منه لازم تزعق فيه تجبره انه يدخل الموقع ويدفع فلوس اون لاين علشان خاطر الكومشن 

سياسه غبية جدا من وجه نظرى عمره الاحترام كان قلة قيمة ولا عمره تقدر تجبر حد حتى لو كان غنى انه يدفع الان عن طريق نبره صوتك 

انا بحب الفوركس جدا او سوق العملات ودا اللى خلانى اقدم فى الشركة دى اصلا لكن انا كنت مقتنع انه افاده للشخص اللى هيستثمر قبل متكون افاده للشركه وكنت ناوى افهمه كدا لكن ازاى وصوت الديجى عالى ولازم اعلى صوتى وهوا دا طريقة شغلنا
طيب بالنسبه لحكايه عدم الاحترام دى هل نتايجها افضل من الاحترام ؟ كان رد التيم ليدر مليش دعوه بس اللى هسمعه يقول حضرتك هخصمله هههههه

يمكن لو كان سابنى اشتغل بطريقتى كنت حققت مبيعات كتير لكن هوا ازاى بقى تيم ليدر علشان حقق خمس مبيعات فى الشهر ودا رقم كبير بالنسبالهم 

خمس مبيعات وكل يوم يجيله داتا فيها ٥٠ رقم منهم تقريبا ٤٠ مهتمين وفى الاخر شايف انه دا انجاز لكن من وجهة نظرى دا فشل وسببه طريقه الشغل

ليه انا حكيت القصة دى كلها لانى مومن انه علشان تحقق نجاح لازم تسيب الناس تبدع متتحكمش فيها وفى شغلها لمجرد انك مدير متتدخلش فى تفاصيل شغله اللى انته جايبه وبتديه فلوس اخر الشهر علشان ينفذه انته تابعه بس فى النتائج

لانه ببساطه ممكن يكون زيى والموضوع يقلب عكسى ويمشى زى مانته عاوز وتفشل المنظومه كلها وهوا كدا كدا مش خسران لانه بيقبض اخر الشهر انته اللى هتكون خسرت البيزنس بتاعك