انا مش بتاع كلام




عارف انته الشخص اللى بياخد لابتوبه ويفصل عن العالم :) اه دا انا بكون مركز فى حاجه عايز اوصلها وبس

هوا دا طبعى وهيا دى شخصيتى مليش فى الرغى مليش فى الشو ومبحبش اتكلم كتير

حتى البلوج دى بدخلها كل كام شهر وعليها يمكن 10% من شغلى

الله يمسيه بالخير البشمهندس هانى ودا اول واحد اشتغلت معاه كان يقولى عايز اوصل لحاجه معينه وتانى يوم يتفاجئ انى خلصت الحاجه دى فكان يقولى يابنى مش تيجى تقولى عملت كذا وكذا قال يعنى علشان اظهر انى بشتغل وانى واو وكده :)

نادرا مبلاقى حد يفهمنى وفى الغالب بيكون عنده فكر رياده الاعمال وليه خبره فى الاونلاين بيزنس وفى الغالب بيكون المدير :) ودا اللى بيخلينى دايما اتفهم غلط  من زملاء العمل لانى مش بتكلم كتير غير مع المدير :)

طبيعه الشغل بالنسبالى حجات عادية ولو سالتنى مش هعرف ارد بالكلام لكن اللى يحمسنى بجد هيا الافكار لان اى بلاتفورم سهل تتعلمها فى نصف ساعه لكن مش اى حد هيعرف يحقق نتائج

نفس المعاناه لما اقرر اسيب الشغل فى مكان معين السوال المعتاد لو فى حاجه مضايقاك مش بتتكلم ليه ؟ لكن الحقيقه انه بيكون فى اكتر من سبب وعلى مدى طويل لكن انا مبحبش اتكلم اوانا مش بتاع كلام